اخر ما كتب الشاعر توفيق شيا من سحر الابيات
يا أهلنا يا شمس عزتنا
بلبناننا وعٓ أرض جارتنا
الأوطان ما بتعّمر بقال وقيل
ولا بتنبنى إلا بمحبتنا
القرأن ما وصّى ولا الإنجيل
تا نزرع الشك بعلاقتنا
ولا بيقبلوا الإجرام والتنكيل
بالعكس بينادوا بأخوّتنا
منتذكر ..بأيام البراميل
قسمنا بروح الحب لقمتنا
وعن بعضنا كنا الهموم نشيل
نجاهد سوا تا تزول محنتنا
وما تتهمونا بحب ((إس.رائيل ))
المن يوم ما كانت...عدوتنا
بالأربعين الحمل كان تقيل
برفقة رجال المكرمي فتنا
ع فلس.طين نزغرد مواويل
ومش همّنا ع ترابها انمتنا
(وفرقة الخيالة) دماها تسيل
عنها إسألوا أحرار أمتنا
وسلطان باشا بدر مش قنديل
و (المعلّم) الرمز لعروبتنا
وشوقي بشعرو عن ضفاف النيل
تغنى بشجاعتنا وأصالتنا
و(عبود) ما ربّح بعمرو جميل
مطلع قصيدو عن عراقتنا
وعنا الشهادة للفدا إكليل
وبيشمخ المجد بشهادتنا
ومهما انحكي بالزور للتضليل
بتبقى بلون التلج سمعتنا
وكل جيل منا عم يوصّي جيل
أسهل نموت وما حدا بالكون
يدعس ع شعرة من كرامتنا .