فسحة تفكير – من صوفر نيوز
يا حكومة لبنان… عن جد، هيدي هيّ أولويتكن؟
يعني كل جلساتكن ومناقشاتكن محصورة بس بـ "سلاح حزب الله"؟
ما في حدا من الوزراء تذكّر إنو في مئات آلاف المودعين راحت أموالهم، وإنو تعويضات الموظفين صارت تساوي صفر؟
ما خطر عبالكن للحظة كيف عم يعيش الناس؟ كيف عم يعلّموا أولادن؟ كيف عم يداووا مرضاهن؟
يا حكومة لبنان… ما حدا ضدّ سحب السلاح وحصره بيد الدولة، هيدا أساس قيام الدولة وهيبتها، بس خلينا نكون واقعيين: القرار بهيك موضوع أكبر منكن ومن صلاحياتكن، وبدو توافقات داخلية وإقليمية مش بس جلسة مجلس وزراء.
يعني في وزراء معتبرين حالن معنيين بملف السلاح وعم يشتغلوا عليه، بس في وزراء ومؤسسات تانية، عندها شغل أهم ما لازم من الجولات والتصوير والمقابلات .
عن جدّ، ما احترامنا لمجاهل أفريقيا، في دول بأصعب الظروف بعدها أرحم على مواطنيها من دولتنا، اللي نسيت وجع الناس وعم تتلهّى بالشعارات بدل الفعل.