السلام عليك يا ليل التجلي
يا لابس ظل أبيض متل ظلي
بعتم ال فيك صار نورك ينزل
كأنو البدر نازل بالمظلة
سمع تلة عم تقللو اتفضل
ووادي عم تقللو طل طلة
انربط زنار عالخصر المدلل
وهدي ما بين وادي وبين تلة
وعمهلو وبعد ما فيي اتأمل
ابتسم بسمة وبهمس الروح قلي
اشتقنا للصلا الروحي لا تبخل
بلش يا طليع حمدان صلي
وأنا بلشت صلي بطهر جدول
بتجي منو الفراشة لتملي
تالرب ال غزلها بفرد مغزل
يجمعنا خيوط بفرد شلة
صلاتي يا إله الكون تقبل
تكل ولادنا إلنا تخلي
ما تبكي إم ع شتلة بمشتل
ما يعطش طفل ما يشعر بقلة
#طليع_حمدان